43 റൺസിന് വെസ്റ്റിന്‍ഡീസിനെ എറിഞ്ഞിട്ട് ഇംഗ്ലണ്ട് വനിതകള്‍, പവര്‍പ്ലേയ്ക്കുള്ളിൽ വിജയം

Englandwomen

ഇംഗ്ലണ്ടും വെസ്റ്റിന്‍ഡീസും തമ്മിലുള്ള അഞ്ചാം ടി20യിലും ആധികാരിക വിജയവുമായി ഇംഗ്ലണ്ട്. ആദ്യം ബാറ്റ് ചെയ്ത വെസ്റ്റിന്‍ഡീസ് 16.2 ഓവറിൽ 43 റൺസിന് ഓള്‍ഔട്ട് ആയപ്പോള്‍ ഇംഗ്ലണ്ട് 2 വിക്കറ്റ് നഷ്ടത്തിൽ 5.3 ഓവറിൽ വിജയം കരസ്ഥമാക്കുകയായിരുന്നു.

Westindieswomen

ഫ്രേയ ഡേവിസ്, ഡേവിഡ്സൺ റിച്ചാര്‍ഡ്സ് എന്നിവര്‍ മൂന്നും ചാര്‍ലട്ട് ഡീന്‍ രണ്ടും വിക്കറ്റാണ് ഇംഗ്ലണ്ടിനായി നേടിയത്. 12 പന്തിൽ 20 റൺസുമായി പുറത്താകാതെ നിന്ന നത്താലി സ്കിവര്‍ ഇംഗ്ലണ്ടിന്റെ വിജയം എളുപ്പമാക്കി.

ഈ പര്യടനത്തിൽ നടന്ന മൂന്ന് ഏകദിനങ്ങളിലും അഞ്ച് ടി20 മത്സരങ്ങളിലും ഇംഗ്ലണ്ടിന് തന്നെയായിരുന്നു വിജയം.