പാക്കിസ്ഥാനെതിരെ സൂപ്പര്‍ ഓവറിൽ വിജയം നേടി ബംഗ്ലാദേശ് വനിതകള്‍. ഇന്ന് ബംഗ്ലാദേശ് 169/9 എന്ന സ്കോര്‍ 50 ഓവറിൽ നേടിയപ്പോള്‍ പാക്കിസ്ഥാന് 169 റൺസിന് 49.5 ഓവറിൽ ഓള്‍ഔട്ട് ആയതോടെ മത്സരം സൂപ്പര്‍ ഓവറിലേക്ക് നീങ്ങി. മത്സരം അവസാന നാലോവറിലേക്ക് കടന്നപ്പോള്‍ 4 വിക്കറ്റ് കൈവശമുണ്ടായിരുന്ന പാക്കിസ്ഥാന് 23 റൺസായിരുന്നു വിജയത്തിനായി നേടേണ്ടിയിരുന്നത്.
അവസാന ഓവറിലെ അഞ്ചാം പന്തിൽ റണ്ണൗട്ട് രൂപത്തിൽ നശ്ര സന്ധു പുറത്തായതോടെ മത്സരം സമനിലയിൽ അവസാനിച്ചു. സൂപ്പര്‍ ഓവറിൽ ആദ്യം ബാറ്റ് ചെയ്ത പാക്കിസ്ഥാന് 7 റൺസ് നേടിയപ്പോള്‍ ബംഗ്ലാദേശ് അവസാന പന്തിൽ ബൗണ്ടറി നേടി വിജയം ഒരുക്കി.
നേരത്തെ പാക്കിസ്ഥാന്റെ ഇന്നിംഗ്സിൽ 29 റൺസ് നേടിയ സദഫ് ഷമാസ് ആണ് ടോപ് സ്കോറര്‍. നിദ ദാര്‍ 27 റൺസും സിദ്ര അമീന്‍, നജിഹ അൽവി എന്നിവര്‍ 22 റൺസും നേടി. പാക്കിസ്ഥാന്റെ അവസാന മൂന്ന് വിക്കറ്റും റണ്ണൗട്ട് രൂപത്തിൽ നഷ്ടമായതും ടീമിന് തിരിച്ചടിയായി. ബംഗ്ലാദേശിന് വേണ്ടി റാബിയ ഖാന്‍ മൂന്ന് വിക്കറ്റ് നേടി.
