അല്‍സാരി ജോസഫിനു പകരം ഷെര്‍മാന്‍ ലൂയിസ് ഇന്ത്യ ടെസ്റ്റ് പരമ്പരയ്ക്ക്

- Advertisement -

ഒക്ടോബര്‍ 4നു ആരംഭിക്കുന്ന ഇന്ത്യയ്ക്കെതിരെയുള്ള ടെസ്റ്റ് പരമ്പരയ്ക്കുള്ള ടീമില്‍ ഒരു മാറ്റം വരുത്തി വിന്‍ഡീസ്. പരിക്കേറ്റ അല്‍സാരി ജോസഫിനു പകരം ഷെര്‍മാന്‍ ലൂയിസിനെയാണ് ടീമില്‍ ഉള്‍പ്പെടുത്തിയിട്ടുള്ളത്. ഇതുവരെ ടെസ്റ്റ് കളിച്ചിട്ടില്ലാത്ത ലൂയിസ് കഴിഞ്ഞ മാര്‍ച്ചിലാണ് ഫസ്റ്റ്-ക്ലാസ് അരങ്ങേറ്റം കുറിയ്ക്കുന്നത്. ഇന്ത്യ എ യ്ക്കെതിരെയുള്ള അനൗദ്യോഗിക ടെസ്റ്റില്‍ ഇരു ഇന്നിംഗ്സുകളിലും 4 വീതം വിക്കറ്റ് നേടിയിരുന്നു ലൂയിസ്.

അതേ സമയം പരിക്കേറ്റ അല്‍സാരി ജോസഫ് വീണ്ടും റീഹാബിലേഷന്‍ പ്രോഗ്രാം തുടരുമെന്ന് വിന്‍ഡീസ് ബോര്‍ഡ് അറിയിച്ചിട്ടുണ്ട്.

Advertisement