അഡിലെയ്ഡ് ഓവലിൽ ഓസ്ട്രേലിയയും വെസ്റ്റിന്‍ഡീസും തമ്മിലുള്ള ഒന്നാം ടെസ്റ്റിന്റെ ഒന്നാം ദിവസം ലഞ്ചിനായി ടീമുകള്‍ പിരിയുമ്പോള്‍ ആദ്യം ബാറ്റ് ചെയ്യുന്ന വെസ്റ്റിന്‍ഡീസ് 64/3 എന്ന നിലയിൽ. ടോസ് നേടിയ ഓസ്ട്രേലിയ ബൗളിംഗ് തിരഞ്ഞെടുക്കുകയായിരുന്നു.
വെസ്റ്റിന്‍ഡീസിനായി 26 റൺസ് നേടിയ കിര്‍ക് മക്കിന്‍സിയാണ് ക്രീസിലുള്ളത്. ഒപ്പം ഒരു റൺസുമായി കവീം ഹോഡ്ജും ക്രീസിലുണ്ട്. ക്രെയിഗ് ബ്രാത്‍വൈറ്റും അലിക് അത്താന്‍സെയും 13 റൺസ് നേടി പുറത്തായപ്പോള്‍ 6 റൺസ് നേടിയ ടാഗ്നരൈന്‍ ചന്ദര്‍പോള്‍ ആണ് പുറത്തായ മറ്റൊരു താരം.
ഓസ്ട്രേലിയയ്ക്കായി പാറ്റ് കമ്മിന്‍സും രണ്ടും ജോഷ് ഹാസൽവുഡ് ഒരു വിക്കറ്റും നേടി.
