വില്യംസണ്‍ പൊരുതുന്നു, കൈവശം 38 റണ്‍സിന്റെ ലീഡ് മാത്രം

- Advertisement -

പരമ്പരയുടെ ഗതി നിര്‍ണ്ണയിക്കുന്ന മൂന്നാം ടെസ്റ്റില്‍ ന്യൂസിലാണ്ട് പൊരുതുന്നു. നാലാം ദിവസം ഉച്ച ഭക്ഷണത്തിനായി ടീമുകള്‍ പിരിയുമ്പോള്‍ ന്യൂസിലാണ്ട് 112/4 എന്ന നിലയിലാണ്. പാക് ബൗളിംഗിനെ സധൈര്യം നേരിട്ട് അര്‍ദ്ധ ശതകം തികച്ച കെയിന്‍ വില്യംസണിന്റെ പോരാട്ട മികവില്‍ മത്സരത്തില്‍ 38 റണ്‍സിന്റെ ലീഡാണ് സന്ദര്‍ശകര്‍ക്ക് ഇപ്പോളുള്ളത്.

55 റണ്‍സ് നേടിയ കെയിന്‍ വില്യംസണ് കൂട്ടായി ഹെന്‍റി നിക്കോളസ് 20 റണ്‍സുമായി ക്രീസില്‍ നില്‍ക്കുന്നു. വില്യം സോമര്‍വില്ലേയെ യസീര്‍ ഷാ പുറത്താക്കിയപ്പോള്‍ 22 റണ്‍സ് നേടിയ റോസ് ടെയിലറെ ഷഹീന്‍ അഫ്രീദി പുറത്താക്കി.

Advertisement