ഇംഗ്ലണ്ടിലേക്കുള്ള ലോകകപ്പ് സ്ക്വാഡിലേക്ക് താന്‍ തിരഞ്ഞെടുക്കുക വിജയ് ശങ്കറെയെന്ന് അഭിപ്രായപ്പെട്ട് സുനില്‍ ഗവാസ്കര്‍. താന്‍ ഹാര്‍ദ്ദിക് പാണ്ഡ്യയ്ക്ക് ശേഷം ടീമിലെ ഓള്‍റൗണ്ടറായി പരിഗണിക്കുക രവീന്ദ്ര ജഡേജയെ അല്ല പകരം വിജയ് ശങ്കറെ ആയിരിക്കുമെന്നാണ് ഗവാസ്കറുടെ ഉത്തരം. ഇംഗ്ലണ്ടിലെ സാഹചര്യങ്ങളാണ് തന്നെ ഈ തീരുമാനത്തിനു പ്രേരിപ്പിക്കുന്നത്. ഇന്ത്യയ്ക്ക് രണ്ട് പേസ് ബൗളിംഗ് ഓള്‍റൗണ്ടര്‍മാരെ തിരഞ്ഞെടുക്കുവാനുള്ള അവസരം ഇതിലൂടെ ലഭിക്കുമെന്ന് ഗവാസ്കര്‍ പറയുന്നു.
നേരത്തെ ഗവാസ്കര്‍ പന്തിനു പകരം ദിനേശ് കാര്‍ത്തികിനെ ടീമിലെത്തിക്കണമെന്ന് അഭിപ്രായപ്പെട്ടിരുന്നു. ദിനേശ് കാര്‍ത്തിക്കിനെ വരാനിരിക്കുന്ന ഓസ്ട്രേലിയന്‍ പരമ്പരയില്‍ നിന്ന് ഒഴിവാക്കിയ തീരുമാനത്തെയും സുനില്‍ ഗവാസ്കര്‍ വിമര്‍ശിച്ചിരുന്നു.
