Local Sports News in Malayalam

എറിയാനായത് 42.1 ഓവര്‍ മാത്രം, മത്സരത്തില്‍ മേല്‍ക്കൈ നേടി വെസ്റ്റിന്‍ഡീസ്

ആന്റിഗ്വ ടെസ്റ്റിന്റെ മൂന്നാം ദിവസം അവസാനിക്കുമ്പോള്‍ ശ്രീലങ്ക 250/8 എന്ന നിലയില്‍. മൂന്നാം ദിവസം ബഹുഭൂരിഭാഗവും മഴ വില്ലനായപ്പോള്‍ 42.1 ഓവര്‍ മാത്രമാണ് എറിയാനായത്. മൂന്നാം 5 വിക്കറ്റാണ് വെസ്റ്റിന്‍ഡീസ് നേടിയത്.

വെസ്റ്റിന്‍ഡീസിന്റെ ഒന്നാം ഇന്നിംഗ്സ് സ്കോറിന് 104 റണ്‍സ് പിന്നിലാണ് ശ്രീലങ്കയിപ്പോളും. 49 റണ്‍സുമായി ക്രീസിലുള്ള പതും നിസ്സങ്കയിലാണ് ശ്രീലങ്കയുടെ പ്രതീക്ഷ.

മത്സരത്തിന്റെ മൂന്നാം ദിവസം ഏകദേശം 48 ഓവറുകള്‍ നഷ്ടമായത് വിന്‍ഡീസിന്റെ വിജയ സാധ്യതയെ ബാധിക്കുമോ എന്നാണ് ഇനി കണ്ടറിയേണ്ടത്. അല്‍സാരി ജോസഫും ജേസണ്‍ ഹോള്‍ഡറും ആതിഥേയര്‍ക്കായി രണ്ട് വീതം വിക്കറ്റ് നേടി.

You might also like