തെറ്റുകളിൽ നിന്ന് പാഠം പഠിക്കുന്നില്ല – നിക്കോളസ് പൂരന്‍

ഇന്ത്യയ്ക്കെതിരെ ടി20 പരമ്പര 1-4ന് പരാജയപ്പെട്ട വെസ്റ്റിന്‍ഡീസിന്റെ പ്രശ്നം ടീം തങ്ങളുടെ തെറ്റുകളിൽ നിന്ന് പാഠം പഠിക്കുന്നില്ലെന്നതാണെന്ന് പറഞ്ഞ് നിക്കോളസ് പൂരന്‍. മികച്ച ടീമുകള്‍ക്കെതിരെ ഭേദപ്പെട്ട പ്രകടനം പുറത്തെടുക്കുവാന്‍ ടീമിന് സാധിക്കുന്നില്ലെന്നും ബാറ്റിംഗിലും ബൗളിംഗിലും ടീം പരാജയപ്പെടുകയാണെന്നും പൂരന്‍ വ്യക്തമാക്കി.

ഈ തോൽവികളിൽ നിന്നെങ്കിലും ടീമിന് പാഠം ഉള്‍ക്കൊള്ളുവാന്‍ സാധിക്കുമെന്നാണ് കരുതുന്നതെന്നും പൂരന്‍ പറഞ്ഞു. ലോകകപ്പിന്റെ സമയത്തേക്ക് ടീമിന് കാര്യങ്ങള്‍ മെച്ചപ്പെടുത്താനാകുമെന്നാണ് കരുതുന്നതെന്നും നിക്കോളസ് പൂരന്‍ സൂചിപ്പിച്ചു.