പാക്കിസ്ഥാന്‍ ബോര്‍ഡ് സിഇഒ സ്ഥാനം ഒഴിഞ്ഞ് വസീം ഖാന്‍

പാക്കിസ്ഥാന്‍ ക്രിക്കറ്റ് ബോര്‍ഡ് സിഇഒ സ്ഥാനം ഒഴിഞ്ഞ് വസീം ഖാന്‍. റമീസ് രാജ പാക്കിസ്ഥാന്‍ ചെയര്‍മാനായി സ്ഥാനമേറ്റ ശേഷമുള്ള പാക്കിസ്ഥാന്‍ ക്രിക്കറ്റ് സംവിധാനത്തിലെ രാജികളുടെ തുടര്‍ച്ചയാണ് ഇത്. നേരത്തെ റമീസ് രാജ ചുമതലയേറ്റ ശേഷം മിസ്ബ ഉള്‍ ഹക്ക്, വഖാര്‍ യൂനിസ് എന്നിവര്‍ പാക്കിസ്ഥാന്റെ മുഖ്യ കോച്ച്, ബൗളിംഗ് കോച്ച് സ്ഥാനങ്ങള്‍ ഒഴിഞ്ഞിരുന്നു.

പാക്കിസ്ഥാന്‍ പരമ്പരകളിൽ നിന്ന് ന്യൂസിലാണ്ട് ഇംഗ്ലണ്ട് ടീമുകള്‍ പിന്മാറിയതിന് ഏറെ പഴി കേള്‍ക്കേണ്ടി വന്ന വ്യക്തിയാണ് വസീം ഖാന്‍. സിഇഒ എന്ന നിലയിൽ ഈ രാജ്യങ്ങളെ ക്രിക്കറ്റ് കളിക്കാനായി സമ്മതിപ്പിക്കുവാന്‍ വസീം ഖാന് സാധിച്ചില്ലെന്ന ആരോപണം ഉയര്‍ന്നിരുന്നു.

Previous articleതന്റെ നേട്ടത്തിന് പിന്നിൽ തന്റെ ബൗളിംഗ് കോച്ച് – സുനിൽ നരൈന്‍
Next articleഏറ്റവും തൃപ്തി തോന്നിയത് സൂര്യകുമാര്‍ യാദവിന്റെ വിക്കറ്റ്, കാരണം വ്യക്തമാക്കി രവി ബിഷ്ണോയി