“പാക്കിസ്ഥാൻ താരങ്ങൾ ബിരിയാണി തിന്ന്‌ നടന്നാൽ ചാമ്പ്യന്മാരാകില്ല”

- Advertisement -

ലോകകപ്പിനായൊരുങ്ങുന്ന പാക്കിസ്ഥാൻ ടീമിനെതിരെ രൂക്ഷ വിമർശനവുമായി ഇതിഹാസ താരം വസീം അക്രം. 1992 ൽ ഇമ്രാൻ ഖാന് കീഴിൽ ലോകകപ്പ് ഉയർത്തിയ പാകിസ്ഥാൻ ടീമിൽ അംഗമായ വസിം അക്രം പാക്കിസ്ഥാൻ ടീമിന്റെ മോശം ഫിറ്റ്നെസിനെതിരെയാണ് തുറന്നടിച്ചത്. ഇപ്പോളും പാകിസ്ഥാൻ താരങ്ങൾക്ക് ബിരിയാണി കഴിക്കാൻ നൽകാറുണ്ട്. ബിരിയാണി കഴിക്കുന്നവർ ഫിറ്റായി എങ്ങനെയാണു ചാമ്പ്യന്മാരായ താരങ്ങൾക്ക് എതിരെ കളിക്കുകയെന്നും അദ്ദേഹം ചോദിച്ചു.

പാകിസ്ഥാൻ ടീമിന്റെ പ്രധാന പോരായ്മകളിൽ ഒന്നാണ് മോശം ഫിറ്റ്നസ്.പാകിസ്താന്റെ മോശം ഫീൽഡിങ്ങിനെയും അക്രം വിമർശിച്ചു. ഏകദിനത്തിൽ ചാമ്പ്യൻസ് ട്രിഫൈ നേടിയതിനു ശേഷം പാകിസ്താന്റെ പ്രകടനം വളരെ മോശമാണ്. ന്യൂസീലാൻഡ്, സൗത്ത് ആഫ്രിക്ക, ഓസ്ട്രേലിയ എന്നി ടീമുകളോട് പാകിസ്ഥാൻ ഏകദിന പരമ്പരകൾ തോറ്റു. ഓസ്ട്രേലിയയോട് തോറ്റാണ് പാകിസ്ഥാൻ ഏഷ്യ കപ്പിൽ നിന്നും പുറത്തായത്.

Advertisement