വനിൻഡു ഹസരംഗ ഭാവി താരം, അസാധ്യ പ്രതിഭ – മിക്കി ആർതർ

ശ്രീലങ്കയുടെ യുവതാരം വനിൻഡു ഹസരംഗ മികച്ച പ്രതിഭയാണെന്നും അസാധ്യ പ്രതിഭയാണ് താരമെന്നും താരം ഗെയിമിനെക്കുറിച്ച് കൂടുതൽ അറിയുകയാണെന്നും ഈ യുവ ടീമിനൊപ്പം താരവും വളർന്ന് വരുമെന്ന് ശ്രീലങ്കയുടെ മുഖ്യ കോച്ച് മിക്കി ആർതർ പറഞ്ഞു. ഈ യുവ ടീമിനൊപ്പമൊരു യാത്ര ആരംഭിച്ചിരിക്കയാണെന്നും ഇവരെല്ലാം പ്രതിഭകളായി വളരണമെന്നാണ് ആഗ്രഹമെന്നും അതിൽ മുൻ പന്തിയിലുള്ള താരമാണ് വനിൻഡു ഹസരംഗ എന്നും മിക്കി ആർതർ പറഞ്ഞു.

ശ്രീലങ്കയുടെ ബെഞ്ച് സ്ട്രെംഗ്ത്ത് വളർത്തിയെടുക്കുകയാണ് ടീം മാനേജ്മെന്റ് ലക്ഷ്യമാക്കിയിരിക്കുന്നതെന്നും 2023 ലോകകപ്പ് മുൻ നിർത്തിയുള്ള ടീമിനെ സൃഷ്ടിക്കുവാനുള്ള ശ്രമമാണ് ലങ്കയുടേതെന്നും മിക്കി ആർതർ സൂചിപ്പിച്ചു.