വിവിയൻ റിച്ചാർഡ്സിന് നന്ദി പറഞ്ഞ് വിരാട് കോഹ്‌ലി

- Advertisement -

വെസ്റ്റിന്ഡീസിനെതിരായ ഒന്നാം ടി20യിൽ ഇന്ത്യൻ ക്യാപ്റ്റൻ വിരാട് കോഹ്‌ലിയെ അഭിനന്ദിച്ച് വെസ്റ്റിൻഡീസ് ഇതിഹാസം വിവിയൻ റിച്ചാർഡ്‌സ്. തുടർന്ന് തന്നെ അഭിനന്ദിച്ച റിച്ചാർഡ്സിനെ ഇന്ത്യൻ ക്യാപ്റ്റൻ വിരാട് കോഹ്‌ലി നന്ദി അറിയിക്കുകയും ചെയ്തു.

വെസ്റ്റിൻഡീസിനെതിരായ ഒന്നാം ടി20യിൽ 50 പന്തിൽ 94 റൺസ് നേടിയ വിരാട് കോഹ്‌ലി ഇന്ത്യക്ക് അനായാസം ജയം നേടിത്തന്നിരുന്നു. തുടർന്നാണ് വിരാട് കോഹ്‌ലിയെ പ്രകീർത്തിച്ച് വെസ്റ്റിൻഡീസ് ഇതിഹാസം സോഷ്യൽ മീഡിയ പോസ്റ്റ് ഇട്ടത്. ഇതിനു മറുപടിയായാണ് വിരാട് കോഹ്‌ലി തന്നെ അഭിനന്ദിച്ച റിച്ചാർഡ്സിന് നന്ദി പറഞ്ഞത്.

ഇന്ന് തിരുവനന്തപുരത്ത് വെച്ചാണ് ഇന്ത്യയും വെസ്റ്റിൻഡീസും തമ്മിലുള്ള പരമ്പരയിലെ രണ്ടാമത്തെ ടി20 മത്സരം.

Advertisement