വിരാട് കോഹ്‌ലിയെ ഏകദിന ക്യാപ്റ്റൻ സ്ഥാനത്ത് നിന്ന് മാറ്റുമെന്ന് സൂചനകൾ

Kohlirohit

ഏകദിന ക്രിക്കറ്റ് ടീമിന്റെ ക്യാപ്റ്റൻ സ്ഥാനത്ത് നിന്ന് വിരാട് കോഹ്‌ലിയെ മാറ്റാൻ ബി.സി.സി.ഐ ശ്രമിക്കുമെന്ന് റിപ്പോർട്ടുകൾ. രോഹിത് ശർമ്മയെ ഏകദിന ക്രിക്കറ്റ് ടീമിന്റെ ക്യാപ്റ്റനാക്കി വിരാട് കോഹ്‌ലിയുടെ മേലുള്ള സമ്മർദ്ദം കുറക്കാനാണ് ബി.സി.സി.ഐ പദ്ധതി. രോഹിത് ശർമ്മ ക്യാപ്റ്റൻ ആവുന്നതോടെ കെ.എൽ രാഹുൽ വൈസ് ക്യാപ്റ്റൻ ആവുമെന്നും റിപ്പോർട്ടുകൾ ഉണ്ട്.

നേരത്തെ ടി20 ലോകകപ്പോടെ വിരാട് കോഹ്‌ലി ടി20 ടീമിന്റെ ക്യാപ്റ്റൻ സ്ഥാനം ഒഴിഞ്ഞിരുന്നു. 2022 ജനുവരിയിൽ നടക്കുന്ന ദക്ഷിണാഫ്രിക്കക്കെതിരായ പരമ്പരയുടെ രോഹിത് ശർമ്മ ഏകദിന ടീമിന്റെ ക്യാപ്റ്റൻ സ്ഥാനം ഏറ്റെടുക്കുമെന്നാണ് കരുതപ്പെടുന്നത്. ദക്ഷിണാഫ്രിക്കക്കെതിരായ പരമ്പരയിൽ ഇന്ത്യ 3 ടെസ്റ്റ് മത്സരങ്ങളും 3 ഏകദിന മത്സരങ്ങളും 4 ടി20 മത്സരങ്ങളുമാണ് കളിക്കുന്നത്. ടി20 ലോകകപ്പിന് ശേഷം ഇന്ത്യയിൽ പര്യടനം നടത്തുന്ന ന്യൂസിലാൻഡിനെതിരായ ടി20 പരമ്പരയിൽ രോഹിത് ശർമ്മ ഇന്ത്യൻ ടീമിനെ നയിക്കുമെന്ന് ബി.സി.സി.ഐ വ്യക്തമാക്കിയിരുന്നു.

Previous articleസ്പിനസോള തിരികെയെത്തുന്നു
Next articleഇറ്റാലിയൻ സൂപ്പർ കപ്പ് പോരാട്ടം സാൻസിരോയിൽ നടക്കും