ഇന്ത്യന്‍ ടീമിലേക്കുള്ള സെലക്ഷന് പിന്നാലെ തെവാത്തിയുടെ വെടിക്കെട്ട് ബാറ്റിംഗ് പ്രകടനം

ഇംഗ്ലണ്ടിനെതിരെയുള്ള ഇന്ത്യയുടെ ടി20 ടീമില്‍ ഇടം കിട്ടിയതിന് തൊട്ടുപിന്നാലെ വിജയ് ഹസാരെ ടീമില്‍ തകര്‍പ്പന്‍ പ്രകടനവുമായി ഹരിയാനയുടെ രാഹുല്‍ തെവാത്തിയ. ഇന്ന് 39 പന്തില്‍ നിന്ന് 73 റണ്‍സാണ് തെവാത്തിയ നേടിയത്. ഹിമാന്‍ഷു റാണ നേടിയ ശതകവും കൂടിയായപ്പോള്‍ ചണ്ടിഗഢിനെതിരെ ഹരിയാന 299/9 എന്ന മികച്ച സ്കോര്‍ നേടി.

ഹിമാന്‍ഷു 102 റണ്‍സ് നേടിയപ്പോള്‍ അരുണ്‍ ചപ്രാണ 50 റണ്‍സ് നേടുകയായിരുന്നു. 4 ഫോറും 6 സിക്സും അടക്കമായിരുന്നു തെവാത്തിയയുടെ തകര്‍പ്പന്‍ ഇന്നിംഗ്സ്.