വിജയ് ഹസാരെ ട്രോഫിയിലെ അവസാന ഗ്രൂപ്പ് മത്സരത്തിൽ കേരളം ഇന്ന് റെയിൽവേസിനെതിരെ ടോസ് നേടി ബൗളിംഗ് എടുത്തപ്പോള്‍ എതിരാളികളെ 255 റൺസിലൊതുക്കുവാന്‍ സഞ്ജുവിനും സംഘത്തിനും സാധിച്ചു. സാഹബ് യുവരാജ് സിംഗിന്റെ പുറത്താകാതെയുള്ള 121 റൺസാണ് റെയിൽവേസിനെ മുന്നോട്ട് നയിച്ചത്. 5 വിക്കറ്റ് നഷ്ടത്തിൽ ആണ് റെയിൽവേസ് ഈ സ്കോര്‍ നേടിയത്.
പ്രഥം സിംഗ് 61 റൺസും ഉപേന്ദ്ര യാദവ് 31 റൺസും നേടിയാണ് റെയിൽവേസ് സ്കോറിന് മാന്യത പകര്‍ന്നത്. പ്രഥം സിംഗ് – സാഹബ് യുവരാജ് കൂട്ടുകെട്ട് മൂന്നാം വിക്കറ്റിൽ 148 റൺസ് നേടിയപ്പോള്‍ മൂന്നാം വിക്കറ്റിൽ ഉപേന്ദ്ര യാദവിനൊപ്പം സാഹബ് 62 റൺസ് നേടി.
കേരളത്തിനായി വൈശാഖ് ചന്ദ്രന്‍ രണ്ട് വിക്കറ്റ് നേടി.
