ഓവലിൽ വിഹാരിയും അശ്വിനും കളിക്കണമെന്ന് ലക്ഷ്മൺ

Ashwin Vihari India Test

ഇംഗ്ലണ്ടിനെതിരായ നാലാം ക്രിക്കറ്റ് ടെസ്റ്റിൽ ഹനുമ വിഹാരിയും രവിചന്ദ്ര അശ്വിനും ഇന്ത്യക്ക് വേണ്ടി കളിക്കണമെന്ന് മുൻ ഇന്ത്യൻ താരം വി.വി.എസ്.ലക്ഷ്മൺ. ലീഡ്‌സിൽ നടന്ന മൂന്നാം ക്രിക്കറ്റ് ടെസ്റ്റിലെ കനത്ത തോൽവിക്ക് പിന്നെലെയാണ് ടീമിൽ മാറ്റങ്ങൾ ആവശ്യമാണെന്ന് ലക്ഷ്മൺ പറഞ്ഞത്.

തുടർച്ചയായി മൂന്ന് ടെസ്റ്റിലും ഇംഗ്ലണ്ട് ക്യാപ്റ്റൻ ജോ റൂട്ട് മികച്ച പ്രകടനമാണ് പുറത്തെടുത്തതെന്നും അതുകൊണ്ട് തന്നെ അശ്വിൻ ഇന്ത്യക്ക് വേണ്ടി ഇറങ്ങണമെന്നും ലക്ഷ്മൺ പറഞ്ഞു. ഇംഗ്ലണ്ടിന്റെ ടോപ് ഓർഡറിൽ മൂന്ന് ഇടം കയ്യൻ ബാറ്റ്സ്മാൻമാർ ഉള്ളത് അശ്വിന് ഗുണം ചെയ്യുമെന്നും ലക്ഷ്മൺ പറഞ്ഞു.

ബാറ്റിങ്ങിൽ ഒരു മാറ്റത്തിനുള്ള സമയമാണ് ഇതെന്നും ആറാം നമ്പറിൽ ഹനുമ വിഹാരിയെ ഇന്ത്യ ഇറക്കണമെന്നും വി.വി.എസ് ലക്ഷ്മൺ ആവശ്യപ്പെട്ടു.

Previous articleഇന്ത്യ – അഫ്ഗാൻ പരമ്പരക്ക് താലിബാൻ സമ്മതം മൂളി
Next articleഡ്യൂറണ്ട് കപ്പ് നേടൽ തന്നെ ലക്ഷ്യം, ശക്തമായ ടീമുമായി കേരള ബ്ലാസ്റ്റേഴ്സ് കൊൽക്കത്തയിലേക്ക്