ഏതാനും ദിവസങ്ങള്‍ക്ക് മുമ്പ് ന്യൂസിലാണ്ട് യുവ താരം ജേക്കബ് ബൂല സ്വന്തമാക്കിയ റെക്കോര്‍ഡ് തകര്‍ത്ത് ശ്രീലങ്കന്‍ താരം ഹസിത ബോയഗോഡ. U-19 ക്രിക്കറ്റിലെ ഏറ്റവും ഉയര്‍ന്ന സ്കോര്‍ എന്ന വ്യക്തിഗത റെക്കോര്‍ഡാണ് ശ്രീലങ്കയുടെ യുവ താരം ഇന്ന് സ്വന്തമാക്കിയത്. കെനിയയ്ക്കെതിരെ 191 റണ്‍സ് നേടിയ ഹസിത ബൂലയുടെ 180 റണ്‍സ് എന്ന റെക്കോര്‍ഡ് മറികടക്കുകയായിരുന്നു. 419 റണ്‍സ് നേടിയ ലങ്ക കെനിയയെ 311 റണ്‍സിനു മത്സരത്തില്‍ പരാജയപ്പെടുത്തുകയും ചെയ്തു.
ഓസ്ട്രേലിയയുടെ തിയോ ഡോര്‍പോളസ് നേടിയ 179* എന്ന റെക്കോര്‍ഡാണ് ജനുവരി 17നു ജേക്കബ് ബൂല തകര്‍ത്തത്. ബൂലയും നേട്ടം കൊയ്തത് കെനിയയ്ക്കെതിരെയായിരുന്നു. ഒരാഴ്ചയ്ക്കുള്ളില്‍ കെനിയയ്ക്കെതിരെ തന്നെ മറ്റൊരു റെക്കോര്‍ഡ് കുറിയ്ക്കാന്‍ ഹസിതയ്ക്കും ആയി.
കൂടുതൽ കായിക വാർത്തകൾക്ക് : www.facebook.com/FanportOfficial
