പരമ്പരയിൽ രണ്ട് ഡേ നൈറ്റ് മത്സരങ്ങൾ കളിക്കാനാവില്ലെന്ന് സൗരവ് ഗാംഗുലി

Photo: Twitter/@BCCI

2020-21 സീസണിൽ ഓസ്ട്രേലിയയിൽ നടക്കുന്ന പരമ്പരയിൽ രണ്ട് ഡേ നൈറ്റ് മത്സരങ്ങൾ കളിക്കാമെന്ന ഓസ്ട്രേലിയയുടെ താല്പര്യത്തോട് പ്രതികരണമറിയിച്ച് ബി.സി.സി.ഐ പ്രസിഡണ്ട് സൗരവ് ഗാംഗുലി. നിലവിൽ ഒരു പരമ്പരയിൽ രണ്ട് ഡേ നൈറ്റ് മത്സരങ്ങൾ കളിക്കുന്നതിനോട് യോജിപ്പില്ലെന്ന് മുൻ ഇന്ത്യൻ ക്യാപ്റ്റൻ കൂടിയായ സൗരവ് ഗാംഗുലി വ്യക്തമാക്കി.

നാല് മത്സരങ്ങളിൽ രണ്ട് ഡേ നൈറ്റ് മത്സരങ്ങൾ കളിക്കുകയെന്നത് എളുപ്പമല്ലെന്നും ഡേ നൈറ്റ് ടെസ്റ്റിന്  പരമ്പരാഗത ടെസ്റ്റിനെ മാറ്റാൻ കഴിയില്ലെന്നും ഗാംഗുലി പറഞ്ഞു. അതെ സമയം ഒരു പരമ്പരയിൽ ഒരു ഡേ നൈറ്റ് ടെസ്റ്റ് വെച്ച് നടത്താമെന്ന് ഗാംഗുലി പറഞ്ഞു. എന്നാൽ ഇതുവരെ ഓസ്ട്രേലിയയുടെ ഭാഗത്ത് നിന്ന് ഔദ്യോഗികമായി ഒരു അറിയിപ്പും ലഭിച്ചിട്ടില്ലെന്നും ഗാംഗുലി വ്യക്തമാക്കി.

ക്രിക്കറ്റ് ഓസ്ട്രേലിയ തലവൻ കെവിൻ റോബെർട്സ് ആണ് ഇന്ത്യയുമായുള്ള പരമ്പരയിൽ ഒന്നിൽ കൂടുതൽ ഡേ നൈറ്റ് മത്സരങ്ങൾ ഉൾപെടുത്താമെന്ന അഭിപ്രായം മുന്നോട്ട് വെച്ചത്.

Previous articleഐ എസ് എൽ കഴിഞ്ഞാൽ ഇന്ത്യൻ ഫുട്ബോൾ ടീം യൂറോപ്പിൽ പര്യടനം നടത്തും
Next articleഡിബാലയ്ക്ക് ഇന്ന് യുവന്റസ് ജേഴ്സിയിൽ ഇരുന്നൂറാം മത്സരം