ബാറ്റിംഗില്‍ തിളങ്ങി അമല്‍, ബൗളിംഗില്‍ ഹാട്രിക്കുമായി പ്രവീണ്‍, 7 റണ്‍സ് ജയം സ്വന്തമാക്കി എസ്ഐ കലിപ്സ്

- Advertisement -

ടെക്നോപാര്‍ക്ക് പ്രീമിയര്‍ ലീഗില്‍ ഇന്ന് നടന്ന മറ്റൊരു മത്സരത്തില്‍ എസ്ഐ കലിപ്സിന് വിജയം. ഐഐഐടിഎം-കെയ്ക്കെതിരെയാണ് കലിപ്സിന്റെ 7 റണ്‍സ് വിജയം. ഇന്ന് ആദ്യം ബാറ്റ് ചെയ്ത എസ്ഐ കലിപ്സ് എട്ടോവറില്‍ 84/5 എന്ന സ്കോര്‍ നേടുകയായിരുന്നു. ഇന്നിംഗ്സിലെ ആദ്യ പന്തില്‍ പ്രവീണിനെ നഷ്ടമായ ടീമിനെ മുന്നോട്ട് നയിച്ചത് 24 പന്തില്‍ നിന്ന് 38 റണ്‍സ് നേടി അമലിന്റെ പ്രകടനമാണ്. രണ്ട് ഫോറും 3 സിക്സും സഹിതം അമല്‍ പുറത്താകാതെ നിന്നപ്പോള്‍ ടീമിന് 15 റണ്‍സ് എക്സ്ട്രാസ് ഇനത്തിലും ലഭിച്ചു. ഐഐഐടിഎം-കെയ്ക്ക് വേണ്ടി മാനുവല്‍ ജോണ്‍സ് 2 വിക്കറ്റ് നേടി.

മറുപടി ബാറ്റിംഗിനെത്തിയ ഐഐഐടിഎം-കെ ആദ്യ ഓവറില്‍ തന്നെ 18 റണ്‍സ് നേടി മികച്ച തുടക്കം സ്വന്തമാക്കിയെങ്കിലും വിടി പ്രവീണിന്റെ രണ്ടാം ഓവറില്‍ കാര്യങ്ങള്‍ കീഴ്മേല്‍ മറിഞ്ഞു. 1.3 ഓവറില്‍ 21 റണ്‍സ് നേടിയ ടീം പ്രവീണിന്റെ ഓവര്‍ കഴിഞ്ഞപ്പോള്‍ 22/3 എന്ന നിലയിലേക്ക് വീണു.

പിന്നീട് റണ്‍സ് കണ്ടെത്തുവാന്‍ ബുദ്ധിമുട്ടിയ ബാറ്റിംഗ് ടീമിന്റെ ലക്ഷ്യം അവസാന നാലോവറില്‍ 53 റണ്‍സായിരുന്നു. എല്‍ദോസ് ബാബു(19), അഭിജിത്ത് എം പിള്ളെ(16*) പൊരുതി നോക്കിയെങ്കിലും എട്ടോവറില്‍ 6 വിക്കറ്റ് നഷ്ടത്തില്‍ 77 റണ്‍സേ ഐഐഐടിം-കെയ്ക്ക് നേടാനായുള്ളു.

പ്രവീണ്‍ എറിഞ്ഞ അവസാന ഓവറില്‍ ജയിക്കുവാന്‍ 19 റണ്‍സായിരുന്നു ഐഐഐടിഎം-കെ നേടേണ്ടിയിരുന്നത്. ഓവറില്‍ എക്സ്ട്രാസ് ഇനത്തില്‍ റണ്‍സ് വന്നുവെങ്കിലും കൂറ്റനടി വരാതിരുന്നപ്പോള്‍ 11 റണ്‍സ് മാത്രമേ ബാറ്റിംഗ് ടീമിന് നേടാനായുള്ളു.

Advertisement