തമിഴ്നാട് പ്രീമിയര്‍ ലീഗ് മാറ്റി വെച്ചു

- Advertisement -

ജൂണ്‍ നാലിന് നടത്തുവാന്‍ നിശ്ചയിച്ചിരുന്ന തമിഴ്നാട് പ്രീമിയര്‍ ലീഗ് മാറ്റി വയ്ക്കുന്നതായി അറിയിച്ച് അധികാരികള്‍. തമിഴ്നാട്ടിലെ കോവിഡ് വ്യാപനം കാരണം ലോക്ക്ഡൗണ്‍ നിലവിലുള്ളതിനാല്‍ ഇപ്പോള്‍ ടൂര്‍ണ്ണമെന്റ് നടത്തുക അസാധ്യമാണെന്ന് ടിഎന്‍പിഎല്‍ സിഇഒ പ്രസന്ന കണ്ണന്‍ അറിയിക്കുകയായിരുന്നു.

ലോക്ക്ഡൗണ്‍ നിയന്ത്രണങ്ങള്‍ മാറിയ ശേഷം മാത്രമേ പുതുക്കിയ തീയ്യതി തീരുമാനിക്കുകയുള്ളുവെന്നും കണ്ണന്‍ അറിയിച്ചു. സേലത്തെ എസ്‍സിഎഫ് ക്രിക്കറ്റ് ഗ്രൗണ്ടില്‍ ജൂലൈ നാലിനായിരുന്നു ഫൈനല്‍ തീരുമാനിച്ചിരുന്നത്. ഈ വര്‍ഷം അഞ്ചാം പതിപ്പാണ് നടക്കാനിരിക്കുന്നത്.

Advertisement