അശ്വിനുമായുള്ള ബാന്ററിന് മാപ്പ് പറഞ്ഞ് ടിം പെയിന്. സിഡ്നി ടെസ്റ്റിന്റെ അവസാന ദിവസം ഓസ്ട്രേലിയയുടെ വിജയ പ്രതീക്ഷ ഇല്ലാതാക്കിയ ഇന്ത്യയുടെ കൂട്ടുകെട്ടായ അശ്വിനും വിഹാരിയ്ക്കുമെതിരെ പല തരം തന്ത്രങ്ങള് ഓസ്ട്രേലിയ പയറ്റി നോക്കിയെങ്കിലും ഒന്നും ഫലം അവര്ക്ക് നല്കിയില്ല.
അശ്വിനുമായി നിരന്തരം സംസാരത്തില് ഏര്പ്പെട്ട ഓസ്ട്രേലിയയുടെ വിക്കറ്റ് കീപ്പറും ക്യാപ്റ്റനുമായ ടിം പെയിന് ചിലയവസരങ്ങളില് താരത്തെ അസഭ്യം പറയുന്ന നിലയിലേക്കും പോയിരുന്നു. താന് മത്സരത്തിന്റെ സമ്മര്ദ്ദത്തില് അടിപ്പെട്ട് പറഞ്ഞ് കാര്യമാണെന്നും തന്റെ പെരുമാറ്റത്തിന് താന് മാപ്പ് ചോദിക്കന്നുവെന്നും ടിം പെയിന് വ്യക്തമാക്കി.
തന്റെ നായകനെന്ന നിലയിലുള്ള പ്രകടനം മികച്ചതായിരുന്നില്ലെന്നും സമ്മര്ദ്ദത്തിന് താന് പലപ്പോഴും കീഴടങ്ങിയെന്നും അത് തന്റെ മൂഡിനെയും പ്രകടനത്തെയും ബാധിച്ചുവെന്നും ടിം പെയിന് വ്യക്തമാക്കി.
