ടെസ്റ്റ് ക്രിക്കറ്റില്‍ വീണ്ടുമൊരു കണ്‍കഷന്‍ സബ്സ്റ്റിറ്റ്യൂട്ട്. രണ്ടാം ഇന്നിംഗ്സില്‍ പരിക്കേറ്റ് പിന്മാറിയ ഡീന്‍ എല്‍ഗാര്‍ ഇനി മത്സരിക്കില്ലെന്നും പകരം കണ്‍കഷന്‍ സബ്സ്റ്റിറ്റ്യൂട്ടായി ത്യൂണിസ് ഡി ബ്രൂയിനാവും ദക്ഷിണാഫ്രിക്കയ്ക്കായി ബാറ്റിംഗിനിറങ്ങുകയെന്നാണ് ഇപ്പോള്‍ അറിയുവാന്‍ കഴിയുന്നത്. ഈ മാറ്റത്തെ മാച്ച് റഫറി അംഗീകരിച്ചിട്ടുണ്ട്.
ഉമേഷ് യാദവിന്റെ പന്തിലാണ് താരത്തിന്റെ ഹെല്‍മെറ്റില്‍ പന്ത് കൊണ്ടത്. താരം സ്വയം എണീറ്റാണ് ഗ്രൗണ്ടിന് പുറത്തേക്ക് പോയതെങ്കിലും പിന്നീടുള്ള പരിശോധനയില്‍ പകരം താരത്തെ ഉപയോഗിക്കുവാന്‍ ടീം മാനേജ്മെന്റ് തീരുമാനിക്കുകയായിരുന്നു.
