മധുരൈ പാന്തേഴ്സിനെതിരെ ആധികാരികമായ ജയം സ്വന്തമാക്കി ഡിണ്ടിഗല്‍ ഡ്രാഗണ്‍സ്. ആദ്യ മത്സരത്തില്‍ റൂബി തൃച്ചി വാരിയേഴ്സിനോട് പരാജയപ്പെട്ട ശേഷം മികച്ച തിരിച്ചുവരവാണ് ടൂര്‍ണ്ണമെന്റില്‍ ഡിണ്ടിഗല്‍ നടത്തിയിരിക്കുന്നത്. ഇന്നലെ നടന്ന മത്സരത്തില്‍ ആദ്യം ബാറ്റ് ചെയ്ത പാന്തേഴ്സ് 20 ഓവറില്‍ 169/6 എന്ന സ്കോര്‍ നേടിയപ്പോള്‍ ലക്ഷ്യം 15.2 ഓവറില്‍ ഒരു വിക്കറ്റ് നഷ്ടത്തിലാണ് ജയം സ്വന്തമാക്കിയത്.
അരുണ്‍ കാര്‍ത്തിക്(61), ഷിജിത്ത് ചന്ദ്രന്‍(35), എന്നിവര്‍ക്കൊപ്പം രോഹിത്(24), തലൈവന്‍ സര്‍ഗുണം(26) എന്നിവരും റണ്‍സ് കണ്ടെത്തിയപ്പോളാണ് 169 എന്ന താരതമ്യേന ഭേദപ്പെട്ട സ്കോറിലേക്ക് പാന്തേഴ്സ് എത്തിയത്. രവിചന്ദ്രന്‍ അശ്വിന്‍ മൂന്ന് വിക്കറ്റുമായി ടീമിനെ മുന്നില്‍ നിന്ന് നയിച്ചു.
മറുപടി ബാറ്റിംഗിനിറങ്ങിയ ഡ്രാഗണ്‍സിനു ഹരി നിശാന്തിനെ(28) നഷ്ടമായെങ്കിലും ജഗദീഷന്‍, വിവേക് എന്നിവരുടെ വെടിക്കെട്ട് ബാറ്റിംഗ് പ്രകടനം ടീമിനെ 15.2 ഓവറില്‍ ലക്ഷ്യമായ 170 റണ്‍സ് നേടുവാന്‍ സഹായിച്ചു. 33 പന്തില്‍ നിന്ന് വിവേക് 70 റണ്‍സ് നേടിയപ്പോള്‍ 42 പന്തില്‍ നി്നനാണ് ജഗദീഷന്‍ തന്റെ 68 റണ്‍സ് കണ്ടെത്തിയത്. കിരണ്‍ ആകാശിനാണ് ഇന്നിംഗ്സില്‍ വീണ ഏക വിക്കറ്റ്.
കൂടുതൽ കായിക വാർത്തകൾക്ക് : www.facebook.com/FanportOfficial
