അഫ്ഗാനിസ്ഥാനും ബംഗ്ലാദേശും തമ്മിലുള്ള ഏക ടെസ്റ്റില്‍ ടോസ് നേടി ബാറ്റിംഗ് തിരഞ്ഞെടുത്ത അഫ്ഗാനിസ്ഥാന് ആദ്യ ദിവസം ലഞ്ചിന് പിരിയുമ്പോള്‍ മൂന്ന് വിക്കറ്റ് നഷ്ടം. തൈജുല്‍ ഇസ്ലാം അഫ്ഗാനിസ്ഥാന് ഓപ്പണര്‍മാരെ മടക്കിയയച്ചപ്പോള്‍ ലഞ്ചിന് തൊട്ട് മുമ്പ് ഹസ്മത്തുള്ള ഷഹീദിയെയും(14) ടീമിന് നഷ്ടമായപ്പോള്‍ ആദ്യ സെഷനില്‍ അഫ്ഗാനിസ്ഥാന് 77/3 എന്ന നിലയിലാണ്. ഇബ്രാഹിം സദ്രാന്‍(21), ഇഹ്സാനുള്ള ജനത്(9) എന്നിവരുടെ വിക്കറ്റുകളാണ് അഫ്ഗാനിസ്ഥാന് ആദ്യം നഷ്ടമായത്.
31 റണ്‍സുമായി റഹ്മത് ഷായാണ് സന്ദര്‍ശകര്‍ക്കായി ക്രീസില്‍ നില്‍ക്കുന്നത്. ഉച്ചഭക്ഷണത്തിന് തൊട്ടുമുമ്പുള്ള ഓവറില്‍ മഹമ്മദുള്ളയാണ് ഹസ്മത്തുള്ള ഷഹീദിയെ പുറത്താക്കിയത്.
