ഇന്നലെ നടന്ന കേരള നൈറ്റ്സ് രാജ്പുത്സ് മത്സം ഉപേക്ഷിക്കുകയായിരുന്നു. മത്സരത്തില്‍ മികച്ച രീതിയില്‍ പന്തെറിഞ്ഞ നൈറ്റ്സ് രാജ്പുത്സിനെ അധികം റണ്‍സ് വിട്ടു നല്‍കാതെ പിടിച്ചുകെട്ടിയെങ്കിലും മഴ എത്തിയതോടെ മത്സരം ഉപേക്ഷിക്കപ്പെടുകയായിരുന്നു.
ആദ്യം ബാറ്റ് ചെയ്ത രാജ്പുത്സ് 9 ഓവറില്‍ നിന്ന് 94/5 എന്ന സ്കോര്‍ നേടി നില്‍ക്കെയാണ് മഴ വില്ലനായി എത്തിയത്. ലൗറി ഇവാന്‍സിന്റെ 19 ബോള്‍ 38 റണ്‍സിന്റെ ബലത്തിലാണ് 94 റണ്‍സിലേക്ക് രാജ്പുത്സ് എത്തുന്നത്. റീലി റൂസോ(21), ബ്രണ്ടന്‍ മക്കല്ലം(21) എന്നിവരാണ് ടീമിന്റെ മറ്റു പ്രധാന സ്കോറര്‍മാര്‍.
