ഇന്ത്യയുടെ 2020-21 ആഭ്യന്തര സീസണിന് തുടക്കം അടുത്ത വര്‍ഷം ആദ്യം. ജനുവരി 10 മുതല്‍ 31 വരെ നടക്കുന്ന സയ്യദ് മുഷ്താഖ് അലി ട്രോഫിയിലൂടെയാവും ഇന്ത്യയുടെ ആഭ്യന്തര സീസണിന് തുടക്കം കുറിയ്ക്കുക. ബിസിസിഐ സെക്രട്ടറി ജയ് ഷാ എല്ലാ സംസ്ഥാന യൂണിറ്റുകള്‍ക്കും കത്ത് അയയ്ച്ചിട്ടുണ്ടെന്നാണ് അറിയുന്നത്.
നേരത്തെ സംസ്ഥാന അസോസ്സിയേഷനുകളോട് ഏത് ഫോര്‍മാറ്റ് ടൂര്‍ണ്ണമെന്റാണ് അവര്‍ക്ക് താല്പര്യമെന്ന് ബിസിസിഐ ആവശ്യപ്പെട്ടിരുന്നു. അതില്‍ കൂടുതല്‍ അസോസ്സിയേഷനുകളും തിരഞ്ഞെടുത്തത് സയ്യദ് മുഷ്താഖ് അലി ട്രോഫി ആയിരുന്നു.
ജനുവരി 2ന് ടീമുകളെല്ലാം നിശ്ചയിക്കപ്പെട്ട വേദികളില്‍ എത്തണമെന്നാണ് ബിസിസിഐ അറിയിച്ചിട്ടുള്ളത്. വേദികള്‍ ഏതെല്ലാം എന്ന് ബിസിസിഐ ഇതുവരെ തീരുമാനിച്ചിട്ടില്ല.
