സയ്യദ് മുഷ്താഖ് അലി ട്രോഫിയിൽ രണ്ടാം വിജയം കുറിച്ച് കേരളം. ഇന്ന് കര്‍ണ്ണാടകയെ 53 റൺസിനാണ് കേരളം പരാജയപ്പെടുത്തിയത്. ആദ്യം ബാറ്റ് ചെയ്ത കേരളം 179/4 എന്ന സ്കോര്‍ നേടിയപ്പോള്‍ കര്‍ണ്ണാടകയ്ക്ക് 126/9 എന്ന സ്കോര്‍ മാത്രമേ നേടാനായുള്ളു.
വൈശാഖ് ചന്ദ്രന്‍ 4 വിക്കറ്റുമായി കേരളത്തിന് വേണ്ടി തിളങ്ങിയപ്പോള്‍ മിഥുന്‍ എസ് രണ്ട് വിക്കറ്റ് നേടി. 36 റൺസ് നേടിയ ലുവ്നിത് സിസോദിയ ആണ് കര്‍ണ്ണാടകയുടെ ടോപ് സ്കോറര്‍.
കേരളത്തിനായി 47 പന്തിൽ 95 റൺസ് നേടിയ മൊഹമ്മദ് അസ്ഹറുദ്ദീനാണ് ടീമിനെ മികച്ച സ്കോറിലേക്ക് നയിച്ചത്.
