കേരളത്തിന്റെ സ്കോറായ 158 റൺസ് 17.1 ഓവറിൽ മറികടന്ന് ആസാം സയ്യദ് മുഷ്താഖ് അലി ട്രോഫിയുടെ സെമിയിൽ. ആദ്യ ഓവറിൽ തന്നെ ഡാനിഷ് ദാസിനെ നഷ്ടമായെങ്കിലും സുമിത് ഗാഡിഗാവോംഗര്‍ നടത്തിയ വെടിക്കെട്ട് ബാറ്റിംഗ് ആസാമിന് സ്കോറിംഗ് വേഗത നൽകുകയായിരുന്നു.
69 റൺസ് രണ്ടാം വിക്കറ്റ് കൂട്ടുകെട്ടിൽ ബഹുഭൂരിഭാഗം സ്കോറിംഗും താരം നടത്തിയപ്പോള്‍ 14 റൺസായിരുന്നു ഋഷവ് ദാസ് നേടിയത്. സുമിത് 50 പന്തിൽ 75 റൺസ് നേടി പുറത്തായ ശേഷം 22 പന്തിൽ നിന്ന് 42 റൺസ് നേടിയ സിബശങ്കര്‍ റോയ് ടീമിന്റെ വിജയം വേഗത്തിലാക്കി.
