ഒരു സെഷന്‍, ഇന്ത്യയ്ക്ക് വേണ്ടത് 127 റണ്‍സ്, ഓസ്ട്രേലിയയ്ക്ക് വേണ്ടത് 5 വിക്കറ്റ്

സിഡ്നി ടെസ്റ്റ് അവസാന സെഷനിലേക്ക് നീങ്ങുമ്പോള്‍ ഇരു ടീമുകള്‍ക്കും വിജയ സാധ്യത. എന്നാല്‍ തങ്ങളുടെ പ്രധാന ബാറ്റ്സ്മാന്മാര്‍ പവലിയനിലേക്ക് മടങ്ങിയതിനാല്‍ തന്നെ ഇന്ത്യ ഇനി അവശേഷിക്കുന്ന 36 ഓവറുകളെ അതിജീവിക്കുവാനുള്ള ശ്രമത്തിലാണെങ്കില്‍ അഞ്ച് വിക്കറ്റുകള്‍ വീഴ്ത്തി പരമ്പരയില്‍ 2-1ന്റെ ലീഡ് നേടുവാനാകും ഓസ്ട്രേലിയ ലക്ഷ്യം വയ്ക്കുന്നത്.

96 ഓവറില്‍ ഇന്ത്യ 280/5 എന്ന നിലയിലാണ് ബാറ്റ് വീശുന്നത്. 7 റണ്‍സുമായി രവിചന്ദ്രന്‍ അശ്വിനും  4 റണ്‍സുമായി  ഹനുമ വിഹാരിയും ആണ് ക്രീസിലുള്ളത്. ഇന്ന് വീണ മൂന്ന് വിക്കറ്റില്‍ രണ്ടും വീഴ്ത്തിയത് നഥാന്‍ ലയണ്‍ ആണ്. ഹാസല്‍വുഡിന് 77 റണ്‍സ് നേടിയ പുജാരയുടെ വിക്കറ്റ് നേടാനായി. 97 റണ്‍സ് നേടിയ ഋഷഭ് പന്ത് പുറത്താകുന്നത് വരെ ഇന്ത്യ മത്സരത്തില്‍ വിജയ പ്രതീക്ഷ വെച്ച് പുലര്‍ത്തിയിരുന്നു.