2019 ലോകകപ്പ് സെമിയിൽ ഇന്ത്യയുടെ തോൽവിയിലും എടുത്ത് നിന്ന ഒരു പ്രകടനം ആയിരുന്നു രവീന്ദ്ര ജഡേജയുടെ. കൂറ്റൻ തകർച്ചയിലേക്ക് വീണ ഇന്ത്യയെ രവീന്ദ്ര ജഡേജ 59 പന്തിൽ നിന്ന് നേടിയ 77 റൺസാണ് അവസാന വരെ പൊരുതുവാൻ സഹായിച്ചത്. അന്ന് അർദ്ധ ശതകം നേടിയ ശേഷം താരം നടത്തിയ വാൾ ചുഴറ്റുന്ന തരത്തിലുള്ള പ്രകടനം കമന്ററി ബോക്സിനെ ലക്ഷ്യമാക്കി ആയിരുന്നുവെന്നാണ് ജഡേജ പറഞ്ഞത്.
രവീന്ദ്ര ജഡേജ പൂർണ്ണനായ ഒരു ക്രിക്കറ്റല്ല എന്ന സഞ്ജയ് മഞ്ജരേക്കറുടെ പ്രതികരണം ആണ് താരത്തെ ചൊടിപ്പിച്ചത്. ജഡേജ ബിറ്റ്സ് ആൻഡ് പീസസ് താരമാണെന്ന തരത്തിലായിരുന്നു സഞ്ജയ് മഞ്ജരേക്കറുടെ പ്രതികരണം. അന്ന് താൻ ക്ഷുഭിതനായിരുന്നുവെന്നും കമന്ററി ബോക്സിനെയാണ് തിരഞ്ഞതെന്നും എന്നാലത് എവിടെയാണെനന് തനിക്ക് കൃത്യമായി മനസ്സിലായില്ലെന്നും അത് ഇവിടെ എവിടെയങ്കിലും കാണുമെന്ന് കരുതിയെന്നും കണ്ടവർക്ക് താൻ ലക്ഷ്യം വെച്ചത് ആരെയെന്ന് മനസ്സിലാകുമായിരുന്നുവെന്നും ജഡേജ പറഞ്ഞു.
