സുരേഷ് റെയ്ന ഇന്ത്യൻ ടീമിലേക്ക് തിരിച്ചെത്തില്ലെന്ന് ബ്രാഡ് ഹോഗ്

- Advertisement -

മുൻ ഇന്ത്യൻ താരം സുരേഷ് റെയ്ന ഇന്ത്യൻ ടീമിലേക്ക് വീണ്ടും തിരിച്ചെത്തുമെന്ന് കരുതുന്നില്ലെന്ന് മുൻ ഓസ്‌ട്രേലിയൻ സ്പിന്നർ ബ്രാഡ് ഹോഗ്. നിലവിൽ ഇന്ത്യൻ ടീമിൽ സുരേഷ് റെയ്നക്ക് അവസരം ലഭിക്കാനുള്ള ഒഴിവ് ഇല്ലെന്നും ബ്രാഡ് ഹോഗ് പറഞ്ഞു. നിലവിൽ ഇന്ത്യൻ ക്യാപ്റ്റൻ വിരാട് കോഹ്‌ലി യുവതാരങ്ങൾക്കാണ് കൂടുതൽ അവസരം നൽകുന്നതെന്നും അതുകൊണ്ട് തന്നെ സുരേഷ് റെയ്നക്ക് ഇന്ത്യൻ ടീമിൽ അവസരം ലഭിക്കാനുള്ള സാധ്യത കുറവാണെന്നും ഹോഗ് പറഞ്ഞു.

നിലവിൽ ഇന്ത്യൻ ടീമിൽ റെയ്നയുടെ ഇഷ്ട്ട സ്ഥാനമായ നാലാം നമ്പറിൽ ശ്രേയസ് അയ്യർ മികച്ച പ്രകടനമാണ് പുറത്തെടുക്കുന്നതെന്നും 3-4 സ്ഥാനങ്ങളിൽ ബാറ്റ് ചെയ്യുന്ന റെയ്നക്ക് അതുകൊണ്ട് ഇന്ത്യൻ ടീമിൽ അവസരം ലഭിക്കില്ലെന്നും ഹോഗ് പറഞ്ഞു. ഇന്ത്യൻ ടി20 ടീമിൽ റെയ്നക്ക് അവസരം ലഭിക്കണമെങ്കിൽ ശിഖർ ധവാൻ ടീമിൽ നിന്ന് പുറത്തുപോവണമെന്നും ഹോഗ് പറഞ്ഞു.

Advertisement