ഇന്ത്യക്ക് വേണ്ടി ഒരുപാട് ബുദ്ധിമുട്ടേറിയ കാര്യങ്ങൾ സുരേഷ് റെയ്ന ചെയ്തിട്ടുണ്ടെന്ന് രാഹുൽ ദ്രാവിഡ്

- Advertisement -

ഇന്ത്യൻ ക്രിക്കറ്റ് ടീമിന് വേണ്ടി ഒരുപാട് ബുദ്ധിമുട്ടേറിയ കാര്യങ്ങൾ ചെയ്ത താരമാണ് സുരേഷ് റെയ്നയെന്ന് മുൻ ഇന്ത്യൻ ക്യാപ്റ്റൻ രാഹുൽ ദ്രാവിഡ്. കഴിഞ്ഞ ദിവസമാണ് സുരേഷ് റെയ്ന അന്താരാഷ്ട്ര ക്രിക്കറ്റിൽ നിന്ന് വിരമിക്കൽ പ്രഖ്യാപിച്ചത്. ഇന്ത്യക്ക് വേണ്ടി പലപ്പോഴും സുരേഷ് റെയ്ന ലോവർ ഓർഡറിലാണ് ബാറ്റ് ചെയ്തതെന്നും ഫീൽഡ് ചെയ്യുമ്പോൾ ഏറ്റവും ബുദ്ധിമുട്ടിയേറിയ സ്ഥലത്താണ് താരം ഫീൽഡ് ചെയ്തതെന്നും ദ്രാവിഡ് പറഞ്ഞു.

കുറച്ചുകൂടെ മുൻ നിരയിൽ താരം ബാറ്റ് ചെയ്തിരുന്നെങ്കിൽ താരത്തിന്റെ പ്രകടനം കുറച്ചുകൂടെ മെച്ചപ്പെടുമായിരുന്നെന്നും രാഹുൽ ദ്രാവിഡ് പറഞ്ഞു. 2005ൽ സുരേഷ് റെയ്ന ഇന്ത്യക്ക് വേണ്ടി അരങ്ങേറ്റം നടത്തിയപ്പോൾ രാഹുൽ ദ്രാവിഡ് ആയിരുന്നു ഇന്ത്യൻ ടീമിന്റെ ക്യാപ്റ്റൻ. യുവ ടീമിൽ ആ കാലത്ത് സുരേഷ് റെയ്ന മികച്ച പ്രകടനമാണ് പുറത്തെടുത്തതെന്നും റെയ്ന ഇന്ത്യൻ ടീമിന്റെ ഒരു പ്രധാന താരമായി മാറുമെന്ന് ഉറപ്പുണ്ടായിരുന്നെന്നും രാഹുൽ ദ്രാവിഡ് പറഞ്ഞു.

Advertisement