പാക്കിസ്ഥാനില്‍ ഈ മാസം നടക്കാനിരിക്കുന്ന ശ്രീലങ്കയുടെ ടെസ്റ്റ് മത്സരത്തിനുള്ള ടീമില്‍ നിന്ന് സുരംഗ ലക്മല്‍ പുറത്ത്. താരത്തിന് ഡെങ്കിപ്പനി പിടിച്ചതോടെയാണ് ശ്രീലങ്കയ്ക്ക് തിരിച്ചടിയായി താരം പുറത്ത് പോകുന്നത്. പകരം അസിത ഫെര്‍ണാണ്ടോയെ ടീമില്‍ ഉള്‍പ്പെടുത്തിയിട്ടുണ്ട്. നിലവില്‍ അസിത സൗത്ത് ഏഷ്യന്‍ ഗെയിംസിനായി നേപ്പാളിലാണ്.
പത്ത് വര്‍ഷങ്ങള്‍ക്ക് മുമ്പ് ശ്രീലങ്കന്‍ ടീം പാക്കിസ്ഥാനില്‍ ആക്രമിക്കപ്പെട്ടപ്പോള്‍ ടീമിലെ അംഗമായിരുന്ന ലക്മല്‍ ഇത്തവണ ടീമിനൊപ്പം ഉണ്ടായിരുന്നുവെങ്കിലും ഡെങ്കി താരത്തിനും ലങ്കയക്കും തിരിച്ചടിയായി മാറുകയായിരുന്നു.
റാവല്‍പിണ്ടിയില്‍ ഡിസംബര്‍ 11നാണ് ആദ്യ ടെസ്റ്റ്. രണ്ടാം ടെസ്റ്റ് ഡിസംബര്‍ 19ന് കറാച്ചിയില്‍ അരങ്ങേറും.
