ഐപിഎല്‍ ഉള്‍പ്പെടെയുള്ള ടി20 ലീഗുകളില്‍ മിന്നും പ്രകടനം ആണ് വിന്‍ഡീസ് താരം സുനില്‍ നരൈന്‍ കാഴ്ചവയ്ക്കുന്നത്. എന്നാല്‍ വെസ്റ്റിന്‍ഡീസ് ടീമില്‍ താരത്തിന് സ്ഥാനമില്ല. താരത്തെ സെലക്ഷന് പരിഗണിക്കാത്തത് താരത്തിന്റെ തന്നെ ആവശ്യപ്രകാരം ആണെന്നാണ് വെസ്റ്റിന്‍ഡീസ് ചെയര്‍മാന്‍ ഓഫ് സെലക്ടേഴ്സ് റോജര്‍ ഹാര്‍പ്പര്‍ വ്യക്തമാക്കി.
താന്‍ അന്താരാഷ്ട്ര മത്സരങ്ങള്‍ക്ക് ഇപ്പോള്‍ തയ്യാറല്ലെന്നും തന്റെ കഴിവുകള്‍ ഇനിയും മെച്ചപ്പെടുത്തി അന്താരാഷ്ട്ര മത്സരങ്ങള്‍ക്ക് തയ്യാറെടുക്കുകയാണെന്നും താരം അറിയിച്ചിട്ടുണ്ടെന്ന് ഹാര്‍പ്പര്‍ വ്യക്തമാക്കി. താരത്തിന്റെ ഈ നിലപാട് കാരണം ആണ് അദ്ദേഹത്തെ ദേശീയ ടീമിലേക്ക് പരിഗണിക്കാത്തതെന്ന് ഹാര്‍പ്പര്‍ വ്യക്തമാക്കി.
