അമ്പയറുടെ തീരുമാനത്തിനെതിരെ എതിര്‍പ്പ് പ്രകടിപ്പിച്ച ഇംഗ്ലണ്ട് പേസര്‍ സ്റ്റുവര്‍ട് ബ്രോഡിനെതിരെ വിലക്ക് വരാന്‍ സാധ്യത. 24 മാസത്തെ കാലയളവിനുള്ളിൽ നാല് ഡീ മെറിറ്റ് പോയിന്റ് വരുന്ന താരത്തെ ഒരു അന്താരാഷ്ട്ര മത്സരത്തിൽ നിന്ന് വിലക്കാം എന്നാണ് പെരുമാറ്റചട്ട ലംഘനത്തിനുള്ള നടപടി.
സാക്ക് ക്രോളി ബ്രോഡിന്റെ പന്തിൽ ഡെവൺ കോൺവേയെ ക്യാച്ച് എടുത്ത തീരുമാനം അമ്പയര്‍ സോഫ്ട് സിഗ്നലിൽ നോട്ട് ഔട്ട് പറ‍‍ഞ്ഞതിനാൽ വിക്കറ്റ് നഷ്ടമായതോടെയാണ് ബ്രോഡ് പ്രതിഷേധിച്ചത്. 22 റൺസായിരുന്നു അപ്പോൾ കോൺവേയുടെ സംഭാവന.
നിലവിൽ താരത്തിന് രണ്ട് ഡീമെറിറ്റ് പോയിന്റാണുള്ളത്. താരത്തിന് ഈ സംഭത്തിൽ ഒരു പോയിന്റിൽ കൂടുതൽ ഡീമെറിറ്റ് പോയിന്റ് വന്നാൽ വിലക്ക് നേരിടേണ്ടി വരും.
