ഒരു കണ്കഷന് ടെസ്റ്റ് കൂടി നടത്തി ആ പരിശോധനയില് താരം പാസ്സായാല് മാത്രമേ സ്റ്റീവന് സ്മിത്ത് ഓസ്ട്രേലിയയ്ക്കായി രണ്ടാം ഏകദിനത്തില് കളിക്കുകയുള്ളുവെന്ന് അറിയിച്ച് ടീം മാനേജ്മെന്റ്. പരിശീലനത്തിനിടെ തലയില് പന്ത് കൊണ്ട സ്മിത്ത് ആദ്യ എകദിനത്തില് നിന്ന് വിട്ട് നിന്നിരുന്നു. വ്യാഴാഴ്ച നടത്തിയ കണ്കഷന് ടെസ്റ്റില് സ്മിത്ത് പാസ്സായിരുന്നുവെങ്കിലും കരുതല് നടപടിയെന്ന നിലയിലാണ് വെള്ളിയാഴ്ച നടന്ന ആദ്യ ഏകദിനത്തില് നിന്ന് താരത്തെ മാറ്റി നിര്ത്തിയത്.
ഞായറാഴ്ചയാണ് ഓസ്ട്രേലിയയും ഇംഗ്ലണ്ടും തമ്മിലുള്ള രണ്ടാമത്തെ ഏകദിന മത്സരം. സ്മിത്തിന്റെ അഭാവത്തില് ഓസ്ട്രേലിയ മാര്ക്കസ് സ്റ്റോയിനിസിനെയാണ് മൂന്നാം നമ്പറില് കളിപ്പിച്ചത്. താരം 43 റണ്സ് നേടി മികവാര്ന്ന പ്രകടനം പുറത്തെടുക്കുകയും ചെയ്തു. ആദ്യ മത്സരത്തില് ഇംഗ്ലണ്ടിനെ ഓസ്ട്രേലിയ 19 റണ്സിന് പരാജയപ്പെടുത്തുകയായിരുന്നു.
