ഇന്ത്യയ്ക്കെതിരെ 17ന് ആരംഭിക്കുവാരിക്കുന്ന അഡിലെയ്ഡ് ടെസ്റ്റില്‍ സ്റ്റീവ് സ്മിത്ത് കളിക്കുമോ എന്ന സംശയത്തില്‍ ഓസ്ട്രേലിയന്‍ ആരാധകര്‍. താരം ഇന്ന് തന്റെ പരിശീലന സെഷന് നേരത്തെ മതിയാക്കി മടങ്ങിയതാണ് ഓസ്ട്രേലിയന്‍ ക്യാമ്പില്‍ ആശങ്ക പടര്‍ത്തിയത്. താരം നെറ്റ്സില്‍ വാംഅപ്പിന് ശേഷം ബാറ്റിംഗിനിറങ്ഹാതെ മടങ്ങുകയായിരുന്നു.
താരത്തിനെ പുറംവേദന അലട്ടുകയാണെന്നാണ് ലഭിയ്ക്കുന്ന വിവരം. സ്മിത്ത് നാളെ മത്സരത്തിന്റെ തലേ ദിവസം വീണ്ടും പരിശീലനത്തിനിറങ്ങുമെന്നാണ് ലഭിയ്ക്കുന്ന വിവരം. പിങ്ക് ബോള്‍ ടെസ്റ്റില്‍ ഓസ്ട്രേലിയയ്ക്ക് ഡേവിഡ് വാര്‍ണറുടെ സേവനം നിലവില്‍ നഷ്ടമായിട്ടുണ്ട്. മറ്റൊരു ഓപ്പണര്‍ വില്‍ പുകോവസ്കിയും ആദ്യ മത്സരത്തില്‍ കളിക്കില്ല.
