സെഞ്ചൂറിയണ്‍ ടെസ്റ്റിന്റെ മൂന്നാം ദിവസം അവസാനിക്കുമ്പോള്‍ തങ്ങളുടെ രണ്ടാം ഇന്നിംഗ്സില്‍ 65/2 എന്ന നിലയില്‍ ശ്രീലങ്ക. നേരത്തെ ദക്ഷിണാഫ്രിക്ക 225 റണ്‍സ് ലീഡോടു കൂടി തങ്ങളുടെ ആദ്യ ഇന്നിംഗ്സില്‍ 621 റണ്‍സ് നേടിയിരുന്നു. 160 റണ്‍സ് പിന്നിലായാണ് ഇപ്പോളും ശ്രീലങ്ക മത്സരത്തില്‍ സ്ഥിതി ചെയ്യുന്നത്.
ദിമുത് കരുണാരത്നേ(6), കുശല്‍ മെന്‍ഡിസ്(0) എന്നിവരുടെ വിക്കറ്റ് ലങ്കയ്ക്ക് നഷ്ടമായപ്പോള്‍ ഇരു വിക്കറ്റും വീഴ്ത്തിയത് ലുംഗിസാനി ഗിഡി ആയിരുന്നു. ലങ്കയ്ക്കായി 33 റണ്‍സുമായി കുശല്‍ പെരേരയും 21 റണ്‍സ് നേടി ദിനേശ് ചന്ദിമലുമാണ് ക്രീസിലുള്ളത്.
