വനിതാ ഏഷ്യ കപ്പിൽ മഴ തടസ്സപ്പെടുത്തി കൊണ്ടേയിരുന്ന മത്സരത്തിൽ ശ്രീലങ്ക വിജയം സ്വന്തമാക്കി. ബംഗ്ലാദേശ് വനിതകളെ 3 റൺസിനാണ് ശ്രീലങ്ക പരാജയപ്പെടുത്തിയത്. ഇന്ന് ആദ്യം ബാറ്റ് ചെയ്ത ശ്രീലങ്ക 19ആം ഓവറിൽ 83-5 എന്ന് നിൽക്കെ ആണ് മഴ വന്നത്. തുടർന്ന് രണ്ടാം ഇന്നിങ്സിന് ബംഗ്ലാദേശിന് 7 ഓവറിൽ 41 റൺസ് എന്ന ലക്ഷ്യം നിശ്ചയിക്കപ്പെട്ടു.
പക്ഷേ ബംഗ്ലാദേശിന് ആകെ 7 വിക്കറ്റ് നഷ്ടത്തിൽ 37 റൺസ് മാത്രമെ എടുക്കാൻ ആയുള്ളൂ. ശ്രീലങ്കയ്ക്ക് വേണ്ടി ഇനോക റണവീര നാലു വിക്കറ്റ് വീഴ്ത്തി. റെഷാദി ഒരു വിക്കറ്റും വീഴ്ത്തി.
