ഇംഗ്ലണ്ടിന്റെ മാറ്റിവെച്ച ശ്രീലങ്കൻ പരമ്പര അടുത്ത ജനുവരിയിൽ നടത്തും

- Advertisement -

മാർച്ചിൽ കൊറോണ വൈറസ് ബാധ മൂലം പൂർത്തിയാക്കാനാവാതെ പോയ ഇംഗ്ലണ്ടിന്റെ ശ്രീലങ്കൻ പര്യടനം അടുത്ത ജനുവരിയിൽ നടക്കുമെന്ന് ശ്രീലങ്കൻ ക്രിക്കറ്റ് ബോർഡ്. എന്നാൽ പരമ്പരയുടെ തിയ്യതികൾ ഇതുവരെ പ്രഖ്യാപിച്ചിട്ടില്ല. മാർച്ചിൽ ഇംഗ്ലണ്ട് ടീം ശ്രീലങ്കയിൽ എത്തുകയും ഒരു പരിശീലന മത്സരം കളിക്കുകയും ചെയ്തിരുന്നു.

തുടർന്നാണ് കൊറോണ വൈറസ് ബാധ പടരുകയും പരമ്പര ഒഴിവാക്കുകയും ചെയ്തത്. ശ്രീലങ്കയുടെ മാറ്റിവെച്ച പരമ്പരകൾ പുനഃക്രമീകരിക്കാനുള്ള ശ്രമത്തിലാണ് ശ്രീലങ്കൻ ക്രിക്കറ്റ് ബോർഡെന്ന് സി.ഇ.ഐ ആഷ്‌ലി ഡി സിൽവ പറഞ്ഞു. അതെ സമയം കൊറോണ വൈറസ് ബാധ മൂലം മാറ്റിവെക്കപെട്ട ശ്രീലങ്ക – ദക്ഷിണാഫ്രിക്ക പരമ്പര പുനഃക്രമീകരിക്കാനുള്ള ചർച്ചകൾ നടക്കുണ്ടെന്നും ആഷ്‌ലി ഡി സിൽവ വ്യക്തമാക്കി.

അതെ സമയം അടുത്ത ജനുവരിയിൽ ഇംഗ്ലണ്ട് ഇന്ത്യയിൽ 5 ടെസ്റ്റ് മത്സരങ്ങൾ ഉൾപ്പെട്ട പരമ്പര കളിക്കാനിരിക്കെ ശ്രീലങ്കയുടെമായുള്ള പരമ്പര തീരുമാനിച്ചതോടെ മത്സരം എങ്ങനെ നടക്കുമെന്ന് വ്യക്തമല്ല.

Advertisement