ഏഷ്യാ കപ്പിൽ പാകിസ്താനെ ഫൈനലിൽ പരാജയപ്പെടുത്തി കൊണ്ട് കിരീടം നേടിയ ശ്രീലങ്കൻ ടീമിന് സ്വന്തം രാജ്യത്ത് വൻ വരവേൽപ്പ്. രാജ്യം പല പ്രതിസന്ധികളാലും വലയുക ആണെങ്കിലും ആരാധകർ ടീമിനെ വരവേൽക്കാൻ വിമാനത്താവളത്തിലും റോഡുകളിലും അണിനിരന്നു. ശ്രീലങ്കൻ ക്രിക്കറ്റ് അസോസിയേഷനും കായിക മന്ത്രാലയവും ചേർന്നാണ് സ്വീകരണം നടത്തിയ.
ടീം തുറന്ന ബസ്സിൽ ടീം ആരാധകരിൽ ഇന്ന് അഭിവാദ്യങ്ങൾ ഏറ്റു വാങ്ങി കൊണ്ട് പരേഡ് നടത്തി. ആരാധകരുമായി ശ്രീലങ്കൻ ടീം ആശയവിനിമയവും നടത്തി. ഏഷ്യാ കപ്പിൽ ശ്രീലങ്ക കിരീടം നേടുമെന്ന് ആരും പ്രവചിച്ചിരുന്നില്ല. അവിടെ നിന്ന് കിരീടവുമായി മടങ്ങിയ ശ്രീലങ്കയ്ക്ക് ഏറെ പ്രശംസകൾ ലഭിക്കുന്നുണ്ട്‌.
