കേപ് ടൗണിലെ ന്യൂസിലാന്‍ഡ്സില്‍ ഇന്ന് ആരംഭിച്ച ദക്ഷിണാഫ്രിക്കയും ശ്രീലങ്കയും തമ്മിലുള്ള ആദ്യ ടി20യില്‍ ശ്രീലങ്കയെ 134/7 എന്ന സ്കോറില്‍ ചെറുത്ത് നിര്‍ത്തി ദക്ഷിണാഫ്രിക്ക. ടോസ് നേടി ബൗളിംഗ് തിരഞ്ഞെടുത്ത ദക്ഷിണാഫ്രിക്കയ്ക്ക് ഇന്നിംഗ്സിന്റെ രണ്ടാം പന്തില്‍ തന്നെ വിക്കറ്റ് കൊയ്യാനായി. 41 റണ്‍സ് നേടിയ കമിന്‍ഡു മെന്‍ഡിസ് ആണ് ലങ്കയുടെ ടോപ് സ്കോറര്‍. 3 ഫോറും 2 സിക്സുമാണ് താരം തന്റെ 29 പന്തില്‍ നിന്ന് 41 റണ്‍സില്‍ നേടിയത്.
തിസാര പെരേര 19 റണ്‍സ് നേടി. 76/5 എന്ന നിലയിലേക്ക് വീണ ശേഷം 134 റണ്‍സിലേക്ക് ലങ്ക എത്തിയത് തന്നെ ടീമിനു ആശ്വാസമായി മാറുകയായിരുന്നു. ദക്ഷിണാഫ്രിക്കയ്ക്കായി ആന്‍ഡിലെ ഫെഹ്ലുക്വായോ മൂന്ന് വിക്കറ്റ് നേടി.
