ആ റെക്കോര്‍ഡ് ഇനി പഴങ്കഥ, പാക്കിസ്ഥാന് 8 വിക്കറ്റ് ജയം, പരമ്പരയില്‍ ഒപ്പം

ദക്ഷിണാഫ്രിക്കയ്ക്കെതിരെ നാലാം ഏകദിനത്തിലെ വിജയത്തോടെ പരമ്പരയില്‍ 2-2നു ഒപ്പമെത്തി പാക്കിസ്ഥാന്‍. ഉസ്മാന്‍ ഖാന്റെ നാല് വിക്കറ്റ് നേട്ടത്തിലൂടെ 164 റണ്‍സിനു ദക്ഷിണാഫ്രിക്കയെ പുറത്താക്കിയ ശേഷം ലക്ഷ്യം 31.3 ഓവറില്‍ വിജയം ഉറപ്പാക്കുകയായിരുന്നു പാക്കിസ്ഥാന്‍. 2 വിക്കറ്റുകളുടെ നഷ്ടത്തിലാണ് ടീമിന്റെ വിജയം. ടോപ് ഓര്‍ഡറിന്റെ മികവിലാണ് പാക്കിസ്ഥാന്റെ അനായാസ ജയം.

ഒന്നാം വിക്കറ്റില്‍ 70 റണ്‍സ കൂട്ടിചേര്‍ത്ത് ശേഷം പാക്കിസ്ഥാനു ആദ്യ വിക്കറ്റ് നഷ്ടമായത്. 44 റണ്‍സ് നേടിയ ഫകര്‍ സമനെ ഇമ്രാന്‍ താഹിര്‍ പുറത്താക്കി. സ്കോറുകള്‍ ഒപ്പമെത്തിയപ്പോള്‍ 71 റണ്‍സ് നേടിയി ഇമാം ഉള്‍ ഹക്കിനെ ടീമിനെ നഷ്ടമായി. രണ്ടാം വിക്കറ്റില്‍ 94 റണ്‍സാണ് ബാബര്‍ അസം-ഇമാം ഉള്‍ ഹക്ക് കൂട്ടുകെട്ട് നേടിയത്. 41 റണ്‍സുമായി ബാബര്‍ അസം പുറത്താകാതെ നിന്നപ്പോള്‍ നേരിട്ട ആദ്യ പന്ത് തന്നെ ബൗണ്ടറി കടത്തി മുഹമ്മദ് റിസ്വാന്‍ വിജയ റണ്‍സ് കണ്ടെത്തി.