വൈവിധ്യമാര്‍മന്ന ബൗളിംഗ് നിര ദക്ഷിണാഫ്രിക്കയുടെ ശക്തി

- Advertisement -

വൈവിധ്യമാര്‍ന്ന ബൗളിംഗ് നിരയാണ് ദക്ഷിണാഫ്രിക്കയുടെ ശക്തിയെന്ന് പറഞ്ഞ ദക്ഷിണാഫ്രിക്കന്‍ യുവ പേസര്‍ ലുംഗിസാനി ഗിഡി. ടീമിലെ യുവനിരയോടൊപ്പം സ്റ്റെയിന്‍, താഹിര്‍ എന്ന അനുഭവസമ്പത്തുള്ള താരങ്ങളും കൂടുമ്പോള്‍ ദക്ഷിണാഫ്രിക്ക വന്‍ ബൗളിംഗ് യൂണിറ്റായി മാറുമെന്ന് ഗിഡി പറഞ്ഞു. ഏത് സാഹചര്യത്തിലും അനുയോജ്യമായ രീതിയില്‍ പന്തെറിയുവാനുള്ള താരങ്ങളാണ് ടീമിലുള്ളത്.

കോച്ച് ഓട്ടിസ് ഗിബ്സണ്‍ തങ്ങളോട് ഏത് സാഹചര്യത്തിലും ഏത് ഘട്ടത്തിലും പന്തെറിയുവാന്‍ തയ്യാറാവണമെന്നാണ് ആവശ്യപ്പെട്ടിട്ടുള്ളത്. ഏത് ഘട്ടത്തിലും വിക്കറ്റെടുക്കുക എന്നത് തന്നെയാണ് ബൗളര്‍മാരുടെ ലക്ഷ്യം. ഓരോ ദിവസവും എങ്ങനെ പന്തെറിയുന്നു എന്നതാണ് സാഹചര്യങ്ങളെക്കാള്‍ പ്രധാനമെന്നും ഗിഡി പറഞ്ഞു.

Advertisement