ശ്രീലങ്കയ്ക്കെതിരെയുള്ള ടി20 പരമ്പരയിൽ നിന്ന് സ്റ്റീവ് സ്മിത്ത് പിന്മാറി. കൺകഷൻ കാരണം ആണ് ഈ പിന്മാറ്റം. രണ്ടാം മത്സത്തിനിടെ അവസാന ഓവറിൽ ഒരു സിക്സ് രക്ഷിക്കാന്‍ ശ്രമിക്കുന്നതിനിടയിൽ താരത്തിന്റെ തല ഗ്രൗണ്ടിൽ ഇടിയ്ക്കുകയായിരുന്നു. സൂപ്പര്‍ ഓവറിലേക്ക് നീങ്ങിയ മത്സരത്തിൽ ഓസ്ട്രേലിയ വിജയം കരസ്ഥമാക്കി.
സ്മിത്ത് 6-7 ദിവസമെങ്കിലും എടുത്ത ശേഷം ആവും സ്ഥിതി മെച്ചപ്പെട്ട് എത്തുകയെന്നാണ് ക്രിക്കറ്റ് ഓസ്ട്രേലിയ വ്യക്തമാക്കിയിരിക്കുന്നത്. ഫെബ്രുവരി 15ന് ആണ് പരമ്പരയിലെ മൂന്നാം മത്സരം. ഓസ്ട്രേലിയ ആദ്യ രണ്ട് മത്സരങ്ങളിലും വിജയം സ്വന്തമാക്കിയിട്ടുണ്ട്.
