ശ്രീലങ്കയ്ക്ക് പുതിയ സെലക്ഷന്‍ കമ്മിറ്റിയെ നിയമിച്ച് ലങ്കന്‍ ക്രിക്കറ്റ് ബോര്‍ഡ്. ഉടനടി പ്രാബല്യത്തില്‍ വരുന്ന രീതിയില്‍ ആറംഗ സെലക്ഷന്‍ കമ്മിറ്റിയെയാണ് നിയമിച്ചത്. ശ്രീലങ്കയുടെ യൂത്ത് ആന്‍ഡ് സ്പോര്‍ട്സ് മന്ത്രി നമല്‍ രാജപക്സയാണ് ഈ പാനലിനെ അംഗീകരിച്ചിരിക്കുന്നത്.
മുന്‍ ലങ്കന്‍ പേസര്‍ പ്രമോദയ വിക്രമസിംഗേ ആണ് കമ്മിറ്റിയുടെ ചെയര്‍മാന്‍. അശാന്ത ഡേ മെല്‍ ചെയര്‍മാന്‍ സ്ഥാനത്ത് നിന്ന് 2021ല്‍ രാജി വെച്ച ശേഷം വിക്രമസിംഗേയും ചാമിന്ദ മെന്‍ഡിസുമായിരുന്നു താത്കാലികമായി സെലക്ഷന്‍ കമ്മിറ്റിയെ നയിച്ചത്.
റോമേഷ് കലുവിതരണ, ഹേമന്ത വിക്രമരത്നേ, വരുണ വറഗോഡ, കര്‍നൈന്‍, തിലക നിലിമനി ഗുണരത്നേ എന്നിവരാണ് കമ്മിറ്റിയിലെ മറ്റ് അഞ്ച് അംഗങ്ങള്‍.
