സിംബാബ്വെക്ക് എതിരെ പ്ലയർ ഓഫ് ദി മാച്ച് ആയ സൂര്യകുമാറിനെ പുകഴ്ത്തി കൊണ്ട് രോഹിത് ശർമ്മ രംഗത്ത്. സൂര്യകുമാർ ടീമിനായി ചെയ്യുന്ന കാര്യങ്ങൾ അത്ഭുതകരമാണെന്ന് ഇന്ത്യൻ ക്യാപ്റ്റൻ പറഞ്ഞു. മറ്റു ബാറ്റ്സ്മാൻമാരിൽ നിന്ന് സമ്മർദ്ദം ഒഴിവാക്കാൻ സൂര്യകുമാറിന്റെ ഇന്നിങ്സുകൾക്ക് ആകുന്നു എന്നും ടീമിന്റെ മൊത്തം സമ്മർദ്ദവും ഇല്ലാതാക്കുന്ന പ്രകടനമാണ് സൂര്യകുമാർ കാഴ്ചവെച്ചു കൊണ്ടിരിക്കുന്നത് എന്നും രോഹിത് ശർമ്മ പറഞ്ഞു.
ടീമിനെ സംബന്ധിച്ചെടുത്തോളം സ്കൈയുടെ പ്രകടങ്ങൾ പ്രധാനമാണ് എന്നും ക്യാപ്റ്റൻ പറഞ്ഞു. അവന്റെ കഴിവ് ഞങ്ങൾക്കറിയാം, സൂര്യകുമാറിന്റെ ഇന്നിങ്സുകൾ മറ്റ് താരങ്ങൾക്ക് സമയം നൽകുന്നു. എന്നും അദ്ദേഹം പറഞ്ഞു. ഇത്തരത്തിലുള്ള പ്രകടനങ്ങൾ ആണ് ഞങ്ങൾ സൂര്യകുമാറിൽ നിന്ന് പ്രതീക്ഷിക്കുന്നത് എന്നും രോഹിത് കൂട്ടിച്ചേർത്തു.
