അഞ്ച് മത്സരങ്ങളിൽ നിന്ന് 28 വിക്കറ്റ്, എന്നിട്ടും തന്നെ ആരും പരിഗണിച്ചില്ല – സിദ്ധാര്‍ത്ഥ് കൗള്‍

ഇന്ത്യന്‍ ടീമിലേക്കോ എ ടീമിലേക്കോ പോലും തന്നെ പരിഗണിക്കാത്തത് വിഷമം ഉണ്ടാക്കുന്നുവെന്ന് പറഞ്ഞ് സിദ്ധാര്‍ത്ഥ് കൗള്‍. കഴിഞ്ഞ വര്‍ഷം താന്‍ കളിച്ച അഞ്ച് മത്സരങ്ങളിൽ നിന്ന് 28 വിക്കറ്റാണ് നേടിയത്. ഇതിൽ ഒരു ഹാട്രിക്കും മൂന്ന് അഞ്ച് വിക്കറ്റ് നേട്ടവും ഉള്‍പ്പെടുന്നു.

എന്നാൽ തനിക്ക് എ ടീമിലേക്ക് പോലും പരിഗണന പോലും കിട്ടുന്നില്ലെന്ന് താരം പറഞ്ഞു. എന്നാൽ തന്നെ സെലക്ടര്‍മാര്‍ പരിഗണിച്ചാലും ഇല്ലെങ്കിലും താന്‍ തന്റെ കഴിവിന്റെ പരമാവധി പരിശ്രമിക്കുമെന്നും സിദ്ധാര്‍ത്ഥ് കൗള്‍ വ്യക്തമാക്കി.