തന്റെ ശ്രദ്ധ അടുത്ത വര്‍ഷത്തെ ഏകദിന ലോകകപ്പിൽ – ശിഖര്‍ ധവാന്‍

തനിക്ക് ഇന്ത്യയ്ക്ക് വേണ്ടി എത്രത്തോളം മത്സരങ്ങള്‍ കളിക്കാനാകുമോ അത്രത്തോളം കളിച്ച് അവയിൽ മികച്ച പ്രകടനം പുറത്തെടുക്കണമെന്ന ചിന്തയാണുള്ളതെന്ന് പറഞ്ഞ് ശിഖര്‍ ധവാന്‍. തന്റെ ശ്രദ്ധ 2023 ഏകദിന ലോകകപ്പിലാണെന്നും ഇന്ത്യയ്ക്കായി തനിക്ക് ഈ ലോകകപ്പിൽ കളിക്കാനാകുമെന്ന് കരുതുന്നുവെന്നും ശിഖര്‍ ധവാന്‍ വ്യക്തമാക്കി.

ഇന്ത്യയിൽ തന്നെയാണ് ലോകകപ്പ് നടക്കുന്നത്. തന്റെ പ്രധാന ശ്രദ്ധ ഈ ടൂര്‍ണ്ണെമെന്റിന് വേണ്ടി ഫിറ്റായി ഇരിക്കുകയും തയ്യാറെടുപ്പുകള്‍ പുരോഗമിക്കുകയാണെന്നും ശിഖര്‍ ധവാന്‍ വ്യക്തമാക്കി.

ഐസിസി ടൂര്‍ണ്ണമെന്റുകളിൽ കളിക്കുക തനിക്ക് ഏറെ ഇഷ്ടമുള്ളതാണെന്നും തനിക്ക് മികച്ച ഏതാനും ടൂര്‍ണ്ണമെന്റുകള്‍ ഉണ്ടായിട്ടുണ്ടെന്നും ആ സമീപനം തന്നെയായിരിക്കും താന്‍ ഇനിയും തുടരുകയെന്നും ശിഖര്‍ ധവാന്‍ പറഞ്ഞു.

 

Story Highlights: My focus is definitely on next year’s 50 overs World Cup: Shikhar Dhawan