ഗബ്രിയേല്‍ ഫിറ്റായി കാണപ്പെടുന്നു, സന്നാഹ മത്സരത്തിലെ പ്രകടനം നോക്കി താരത്തെ 14 അംഗ സ്ക്വാഡില്‍ ഉള്‍പ്പെടുത്തുന്നതിനെക്കുറിച്ച് ആലോചിക്കുമെന്ന് ഫില്‍ സിമ്മണ്‍സ്

Sports Correspondent

Download the Fanport app now!
Appstore Badge
Google Play Badge 1

പരിക്ക് മൂലം ഏറെ കാലം പുറത്തായിരുന്ന ഷാനണ്‍ ഗബ്രിയേലിനെ വിന്‍ഡീസ് തങ്ങളുടെ സ്ക്വാഡില്‍ ട്രാവലിംഗ് റിസര്‍വ് ആയാണ് ഉള്‍പ്പെടുത്തിയിരുന്നത്. താരം ഇപ്പോള്‍ ഫിറ്റായി കാണപ്പെടുന്നുവെന്നും പഴയ രീതിയില്‍ പന്തെറിയുന്നുണ്ടെന്നാണ് തനിക്ക് തോന്നിയതെന്ന് വിന്‍ഡീസ് കോച്ച് ഫില്‍ സിമ്മണ്‍സ് വ്യക്തമാക്കി.

പരിശീലന മത്സരത്തില്‍ താരം മികവ് പുലര്‍ത്തുകയാണെങ്കില്‍ ഗബ്രിയേലിനെ വിന്‍ഡീസിന്റെ 14 അംഗ ഔദ്യോഗിക ടൂര്‍ സംഘത്തിലേക്ക് ഉള്‍പ്പെടുമെന്നും സിമ്മണ്‍സ് വ്യക്തമാക്കി. ടീമിന്റെ ബൗളിംഗ് നിര കരുത്തുറ്റതാണെന്നും അതിനാല്‍ തന്നെ ഇലവനിലെത്തുക എന്നത് പ്രകടനങ്ങളുടെ ബലത്തിലാവുമെന്നും സിമ്മണ്‍സ് വ്യക്തമാക്കി.